Plantun de Prouvènço

Pèr coumpara dos planto d'encò nostre

Orobanche minor & Phyteuma betonicifolium

Orobanche minor

Orobanchaceae

Noms en français : Petite Orobanche, Orobanche du trèfle.

Descripcioun :
L'asperjo-sóuvajo dóu gènre Orobanche, se rescontro sus li camin, dins lis ermas e li tepiero seco. Sa coulour èi proun chanjadisso, souvènt brunello emé de vióulet amé la tijo jauno coume eici o quàsi sènso coulour. Fai partido dóu group qu'a de péu glandoulous clar emé un estigmate rouginas. Lis estamino soun estacado de 2 à 3 mm de la baso de la flour e li fueio en escaumo soun en lanço (< 2 cm). Parasito forço planto diferènto (poulifajo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Brunello
Petalo : irreguliero
Ø (o loungour) flour : 13 à 20 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Abriéu à juliet

Liò : Camin - Ermas - Tepiero seco
Estànci : Termoumediterran à Coulinen
Couroulougi : Eurimediterrano
Ref. sc. : Orobanche minor Sm., 1797

Rapounchoun(-di-fueio-de-betounico)

Phyteuma betonicifolium

Campanulaceae

Nom en français : Raiponce à feuilles de bétoine.

Descripcioun :
Aqueste rapounchoun, coumun en mountagno, trachis dins li pelouso séusouso. Se recounèis à soun enflourejado bluio claro en espigo, e subretout à si fueio en triangle à la baso que vènon en lanço pu aut. Coumpara emé lou rapounchoun-de-Micheli que ié sèmblo proun.

Usanço :
Sèmblo que li rapounchoun soun tóuti manjadis, majamen li jóuini brout emai li racino poupouso cuecho.

Port : Erbo
Taio : 20 à 80 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Phyteuma
Famiho : Campanulaceae

Ordre : Asterales

Coulour de la flour : Bluio
Petalo : 5
Ø (o loungour) enflourejado : 3 à 10 cm
Flourido : Printèms - Estiéu

Sòu : Si
Autour basso e auto : 800 à 2300 m
Aparado : Noun
Mai à avoust

Liò : Pelouso
Estànci : Mountagnard à Subaupen
Couroulougi : Ouroufito-Aupenco
Ref. sc. : Phyteuma betonicifolium Vill., 1785

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Orobanche minor & Phyteuma betonicifolium

Coumpara Asperjo-sóuvajo emé uno autro planto

Coumpara Rapounchoun(-di-fueio-de-betounico) emé uno autro planto